मलेसियाका प्रधानमन्त्री महाथिरले दिए राजीनामा

एजेन्सी : मलेसियाका प्रधानमन्त्री महाथिर मोहम्मदले आफ्नो पदबाट राजीनामा दिएका छन् । नयाँ सरकार बनाउने सम्भावित चर्चामाझ उनले सोमबार त्यहाँका राजा सुल्तान अहमद शाहलाईलाई आफ्नो राजीनामा बुझाएका हुन् । उनले त्यहाँका राजा समक्ष राजीनामा बुझाएको अन्तर्राष्ट्रिय सञ्चारमाध्यम अलजजिराले उल्लेख गरेको छ ।

९४ वर्षका महाथिर विश्वका सबैभन्दा जेष्ठ उमेरका प्रधानमन्त्री थिए । उनी सन् १९८१ देखि २००३ सम्म मलेसियाको प्रधानमन्त्री थिए । २०१८ मा नजीब रज्जाहलाई हराएर फेरि उनी सत्तामा आएका थिए ।

गएको केही दिनदेखि महातिर मोहम्मद र ७२ वर्षीय अनवर इब्राहिमबीच सत्ताको खिचातानी चलिरहेको बताइएको थियो । महथिरले नयाँ सरकार गठनका लागि आफुले मार्गप्रशस्त गरेको बताएका छन् ।

तपाईको प्रतिक्रिया

Techie