न्यूयोर्कमा चिडियाखानाको बाघलाई पनि कोरोना संक्रमण

एजेन्सी : कोरोना भाइरसको प्रकोप विश्वभर फैलिसकेको छ । चीनको बुहानबाट शुरु भएको कोरोनाको प्रकोप अहिले अमेरिकामा झनै तीब्र गतिमा बढी रहेको छ ।

न्युयोर्कमा जनावरलाई पनि कोरोना भाइरस पुष्टि भएपछि त्रास झनै बढेको छ । न्यूयोर्कमा रहेको एक चिडियाखानाको बाघमा कोरोना संक्रमण भएको पुष्टि भएको हो ।

न्यूयोर्कको ‘ब्रोनक्स जू’ मा रहेको एउटा बाघमा कोरोना पोजेटिभ भेटिएको हो । त्यहाँको कुषि विभाग अन्तर्गत रहेको नेशनल भेटेनरी सर्भिसेज ल्याबरोजरीजका अनुसार जनावरमा कोरोना पोजेटिभ देखिएको यो पहिलो घटना हो ।

ब्रोनक्स चिडियाखाना वाइल्डलाइफ कन्जरभेशन सोसाइटीका अनुसार चार वर्षको मलायन प्रजातिको बघीनिमा त्यहाँ काम गर्ने मानिसबाटै संक्रमण भएको हुन सक्छ । अमेरिकाले चिडियाखाना आम सर्वसाधारणका लागि १६ मार्चदेखि बन्द गरेको थियो ।

तपाईको प्रतिक्रिया

Techie