राष्ट्रिय जनगणना सम्पन्न: ३ करोडको हाराहारीसम्म पुग्ने अनुमान

काठमाडौ । राष्ट्रिय जनगणना २०७८ कुनैपनि प्रकारको अवरोध बिना सम्पन्न भएको केन्द्रीय तथ्यांक विभागले जनाएको छ । केन्द्रीय तथ्यांक विभागले शुक्रवार पत्रकार सम्मेलन गर्दै कार्तिक २५ गतेदेखि मंसिर ९ गतेसम्म भएको राष्ट्रिय जनगणना २०७८ बिना कुनै अवरोध सम्पन्न भएको जनाएको हो । नेपालको जनसंख्या २ करोड ८० लाखदेखि ३ करोडको हाराहारीसम्म पुग्ने अनुमान विभागको अनुमान छ ।
जिल्ला जनगणना कार्यालयबाट मंसिर मसान्तसम्ममा जिल्लाको विवरण केन्द्रमा आउने भन्दै विभागले केन्द्रीय तथ्यांक विभागले विवरण इन्ट्रि गर्न ६ देखि ८ महिना लाग्ने जानकारी दिएको छ । एक वर्षपछि जनगणनाको रिपोर्टहरु निकाल्न सुरु गर्ने र दुई वर्ष भित्रमा सम्पूर्ण जनगणनाको सम्पूर्ण क्रियाकलाप सम्पन्न गर्ने तयारी छ । प्रारम्भिक नतिजा तीन महिनाभित्र सार्वजनिक भएको छ ।
दुर्गम र पुग्न कठिन ठाउँहरुमा पनि गडकहरुले जनगणना गरेको विभागले जनाएको छ । गणकहरु तिङ्कर र छारुङसम्म पुगेर जनगणना गरेका छन । केही विवादित क्षेत्रहरुमा भने कुटनैतिक पहल गरी छिट्टै गणना सम्पन्न गर्ने विभागको तयारी छ ।

तपाईको प्रतिक्रिया

Techie