नेप्से सूचक २८ सय नाघ्यो, आज पनि १६ अङ्कको वृद्धि

काठमाडौ । बुधबार सेयर बजारको परिसूचक नेप्सेले २८ सय अंक नाघेको छ । अघिल्लो दिनको तुलनामा १६.९५ अंक बढेसँगै नेप्से २ हजार ८ सय १ बिन्दुमा पुगेको हो । ७ अर्ब ३७ करोड रुपैयाँको सेयर कारोबार भएको छ । यसअघि मंगलबार ६९ अंकले परिसूचक बढ्दा ५ अर्ब ५२ करोड रुपैयाँको कारोबार भएको थियो । बैंकिङ उपसमूह ४, व्यापार २५, होटल तथा पर्यटन ५१, जलविद्युत ७१, फाइनान्स ३२, अन्य १ सय ५ र माइक्रोफाइनान्स उपसमूह ८ अंकले बढे । विकास बैंक ७५, निर्जीवन बीमा ६, उत्पादन १०० र जीवन बीमा उपसमूह ८४ अंकले घटे । पाँच कम्पनीको मूल्य १० प्रतिशतले बढ्यो । पन्चकन्या माइ हाइड्रो, माथिल्लो तामाकोसी, मानुसी लघुवित्त, तेह्रथुम पावर र नेपाल बंगलादेश बैंकको मूल्य १० प्रतिशतले बढ्यो । त्यस्तै मैलुङखोला जलविद्युतको मूल्य साढे ९ प्रतिशतले बढ्यो भने टेलिकमको मूल्य ८.८ प्रतिशतले बढेको छ । बोटलर्स नेपाल तराईको मूल्य सबैभन्दा धेरै ७ प्रतिशतले घट्यो । समग्रमा ८८ कम्पनीको मूल्य घटेको छ भने ९४ कम्पनीको मूल्य बढेको छ । ५ कम्पनीको मूल्य स्थिर रह्यो ।

तपाईको प्रतिक्रिया

Techie