सामुदायिक शिक्षाको गुणस्तर वृद्धि गर्न सरकार गम्भीर छ: देउवा

 प्रधानमन्त्री शेरबहादुर देउवाले सामुदायिक विद्यालय शिक्षाको गुणस्तर वृद्धि गर्न सरकार गम्भीर रहेको बताएका छन् । ललितपुरमा नमूना मच्छिन्द्र मावि भवनको उद्घाटन गर्दै प्रधानमन्त्री देउवाले सामुदायिक विद्यालय शिक्षाको गुणस्तर वृद्धि गर्न विभिन्न शैक्षिक कार्यक्रम सञ्चालन गरिरहेको बताए । बिद्यालय शिक्षा स्थानीय पालिकाको मुख्य जिम्मेवारी भएपनि स्रोत साधान र कार्यक्रम सहित बिद्यालय शिक्षाको बिकासमा संघीय सरकारले सहयोग गरिरहेको उनको भनाइ थियो ।
राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले पुनर्निर्माणका क्रममा जनताले प्रत्यक्ष रुपमा विभिन्न लाभ प्राप्त गरेको भन्दै पुनर्निर्माणका क्रममा स्थानीय मौलिक प्रविधिको विकास र प्रयोगसमेत भएको जानकारी गराए ।
जापानको ऋण सहयोगमा रु १२ करोड तीन लाखको लागतमा सो विद्यालय निर्माण गरेको हो । प्राधिकरण अन्तर्गत भूकम्पबाट क्षति पुगेका ३२ जिल्लाका सात हजार ५ सय ५३ विद्यालयमध्ये हालसम्म ६ हजार ६४४ विद्यालयको पुनर्निर्माण भइसकेका छन् ।

तपाईको प्रतिक्रिया

Techie