रातो मच्छिन्द्रनाथको रथारोरण शनिवार हुने, रथयात्रा टुंगो लाग्न बाँकी

काठमाडौ : वर्षा र सहकालका देवता रातो मच्छिन्द्रनाथको रथारोहण आगामी शनिवार हुने भएको छ । मच्छिन्द्रनाथ गुठीसँग सम्बन्धित ज्योतिषीले साउन १० गते उत्तम साइत रहेको ठहर गरेसँगै मच्छिन्द्रनाथलाई रथमा विराजमा गराउन लागिएको हो ।

सो दिन मध्यान्ह १२ बजेर पाँच मिनेटदेखि १२ बजेर २५ मिनेटसम्मको साइतमा मच्छिन्द्रनाथलाई रथमा विराजमान गराइने भएको हो । गुठी संस्थान ललितपुरले बाराही नाइकेलाई पत्र पठाएर रथारोहणको साइतको वारेमा जानकारी गराएका हुन् । यसअघि असार २४ गतेका लागि तय गरिएको रथारोहण कोरोना संक्रमण बढेको कारण स्थगित गरिएको थियो ।

हाल तःबहालस्थित पाटीमा राखिएका मच्छिन्द्रनाथलाई चार–चार जना पुजारी मिलेर बाजागाजा, पूजापाठ र नीतिनियमका साथ पुल्चोकमा रहेको रथमा विराजमान गराउने प्रचलन छ । विगत वर्षमा मच्छिन्द्रनाथलाई रथमा विराजमान गराएको चार दिनपछि रथ तानेर गाःबहाल हुँदै अन्त्यमा जाउलाखेल लगेर जात्रा देखाउने चलन भएपनि यो बर्ष के गरिन्छ भन्ने अझै टुंगो लागेको छैन ।

हरेक वर्ष वैशाख शुक्ल प्रतिपदाका दिन मच्छिन्द्रनाथलाई रथमा विराजमान गराउने चलन छ । यस वर्ष भने कोरोन महामारीको कारण असार १० गतेदेखि मात्रै मच्छिन्द्रनाथको रथ निर्माण अघि बढेको हो ।

यसअघि लकडाउनका कारण चैत २८ मा पनि रथ निर्माणको काम रोकिएको थियो । वैशाख कृष्ण पक्षको प्रतिपदाबाट सुरु हुने जात्रा लिच्छवीकालदेखि निरन्तर चल्दै आएको छ । रातो मच्छिन्द्रनाथ रथयात्रा नेपालकै सबैभन्दा लामो जात्रा मानिन्छ ।

गुठी संस्थानले बाराही नाइकेलाई पठाएको पत्र

तपाईको प्रतिक्रिया

छुटाउनुभयो कि?

१३ चैत्र २०७७, शुक्रबार २१:०२ १३ चैत्र २०७७, शुक्रबार २१:०२

काठमाडौं : कांग्रेस…

२५ आश्विन २०७७, आईतवार ०७:३३ २५ आश्विन २०७७, आईतवार ०७:३३

काठमाडौं : चिकित्सा…

६ बैशाख २०७८, सोमबार १६:२३ ६ बैशाख २०७८, सोमबार १६:२३

काठमाडौं । कुशल…

Techie