मैत्रीपूर्ण खेलका लागि नेपाली राष्ट्रिय फुटबल टिम बंगलादेश प्रस्थान

काठमाडौं : बंगलादेशसँगको मैत्रीपूर्ण खेलका लागि नेपाली राष्ट्रिय फुटबल टिम आज त्यसतर्फ प्रस्थान गरेको छ । २५ खेलाडीसहित ३४ सदस्सीय नेपाली टोली आज विहान बंगलादेश गएको हो ।

नेपाली टोलीलाई अखिल नेपाल फुटवल संघ ‘एन्फा’ले बुधबार नै विदाई गरिसकेको छ । नेपालले बाल गोपाल महर्जनको प्रशिक्षणमा कात्तिक २८ र मंसिर २ गते बंगलादेशसँग दुई मैत्रीपूर्ण खेल खेल्नेछ ।

फिफा विश्वकप छनोटको दोस्रो चरण खेलिरहेको नेपालले तयारीका लागि मैत्रीपूर्ण खेलमा सहभागिता जनाउन लागेको हो । २०७५ भदौमा साफ च्याम्पियनसीपपछि नेपाल र बंगलादेश पहिलो पटक भिडन लागेका हुन् ।

तपाईको प्रतिक्रिया

Techie