मृत्यु भइसकेकाहरुको कोरोना परीक्षण नगर्न स्वास्थ्य मन्त्रालयको निर्देशन

काठमाडौं । स्वास्थ्य तथा जनसंख्या मन्त्रालयले मृत्यु भइसकेका व्यक्तिहरुको कोरोना परीक्षण नगर्न निर्देशन दिएको छ । मन्त्रालयको इन्सिडेन्ट कमाण्ड सिस्टमको बैठकले शंकास्पद व्यक्तिको मृत्युपछि  शवबाट नमुना निकाली कोरोना परीक्षण नगर्न नगराउन भनेको हो । तर शव व्यवस्थापन गर्दा सबै सावधानी अपनाउनुपर्ने र सम्पर्कमा आएकाहरु १४ दिन क्वारेन्टिनमा बस्नुपर्नेछ ।

शवबाट नमुना निकाली कोरोना संक्रमण परीक्षण गर्ने काम नगर्न नगराउन भन्दै स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यससम्बन्धी निर्देशिका परिमार्जन गर्दै लैजाने पनि बताए ।

कोरोनासँग मिल्दोजुल्दो लक्षण लिएर अस्पताल पुगेका वा घरमै मृत्यु भएकाहरुको स्वाब संकलन गरेर परीक्षण गर्ने गरिएको छ ।यसरी परीक्षण गर्दा मृत्यु भएका धेरै जनामा कोरोना संक्रमण पुष्टि भएका छन् ।  तर अब सरकारले मृत्यु भइसककोहरुको कोरोना परीक्षण नगर्ने निर्णय गरेको हो ।

तपाईको प्रतिक्रिया

Techie