महोत्तरीबाट १८ लाख रुपैयाँसहित ३ जना पक्राउ

महोत्तरी : अवैधरुपमा १८ लाख नेपाली रुपैयाँ बोक्दै हिंडेका तीन जनालाई प्रहरीले महोत्तरीको भोल्ही गाँउबाट पक्राउ गरेको छ । पक्राउ पर्नेमा जलेश्वर नगरपालिका दुईका संजय कुमार साह, जयकुमार साह र वडा नम्बर १ का रोहित कुमार साह रहेका छन् ।

प्रहरीले संजयको साथबाट ३ लाख ५० हजार जय कुमारको साथबाट ५ लाख ५० हजार र रोहितको साथबाट ९ लाख रुपैया बरामद गरेको छ । उनीहरुलाई मनरासिस्वा नगरपालिका दुईको भोल्ही गाँउबाट नियन्त्रणमा लिएको प्रहरीले जनाएको छ ।

उनीहरुले बोकेको रकमको श्रोतका बारेमा अनुसन्धान भैरहेको प्रदेश प्रहरी कार्याय जनकपुरका प्रहरी उपरिक्षक जयराज सापकोटाले जानकारी दिए ।

जलेश्वरबाट सम्सी तर्फ जादै गरेको प्रदेश दुई ०३–४०९७ र ज ११ प ८१०८ नम्बरको मोटरसाईकललाई भोल्ही सडकमा चेकजाँच गर्दा अवैध नेपाली रुपैयाँसहित तीनै जनालाई पक्राउ गरेको प्रहरीले जनाएको छ । पक्राउ परेका तीनैजनालाई अवैध वितिय कारोवार मुद्दामा कारबाही अघि बढाइएको छ ।

तपाईको प्रतिक्रिया

Techie