प्रशासन कार्यालयमा सवारी पास लिनेको भीड बढ्दै

काठमाडौं : काठमाडौं जिल्ला प्रशासन कार्यालयमा लकडाउनमा सवारी साधन सञ्चालनका लागि पास वितरण गर्ने नाममा सरकारी नियमकै उलग्घन भएको देखिएको छ । मंगलबार कार्यालयमा पास लिन आउनेहरुको भीड अस्वभाविक रुपमा देखिएको छ ।

पहिलो चरणका लागि दिइएको पासको अवधि सकिएकाले दोस्रो चरणको पास लिने मानिसहरुको भीड कार्यालयमा देखिएको हो । कार्यालयमा सामाजिक दुरी समेत पालना गर्न पहल नभएको देखिएको छ ।

लकडाउनको अबधिमा औषधि उपचार, खाद्यवस्तु खरिद जस्ता अत्यावश्यक काममा बाहेक अन्यलाई बाहिर ननिस्कन सरकारले आग्रह गरेपनि प्रशासन कार्यालयले भने धमाधम पास वितरण गरेको भन्दै सर्वसाधारणले समेत असन्तुष्टि जनाएका छन् ।

त्यस्तै नेपाल राष्ट्र बैक, संघीय मामिला तथा सामान्य प्रशासन मन्त्रालय र वाणिज्य तथा आपूर्ति व्यवस्थापन विभागबाट पनि थुप्रै पास वितरण भएको देखिएको छ ।

तपाईको प्रतिक्रिया

Techie