प्रधानमन्त्री ओलीले बोलाए सर्वदलीय बैठक

काठमाडौं : प्रधानमन्त्री केपी शर्मा ओलीले आज साँझ सर्वदलीय बैठक बोलाएका छन् । प्रधानमन्त्री निवास बालुवाटारमा साँझ पाँच बजे सर्वदलीय बैठक बोलाइएको हो ।

बैठकमा प्रमुख दलका नेताहरुलाई आमन्त्रण गरिएको छ । बैठकमा सरकारले अघि बढाएको संविधान संशोधन प्रस्ताव लगायतका विषयमा कुराकानी हुने बताइएको छ ।

त्यस्तै सरकारले नयाँ नक्सा जारी गरेपछिको परिस्थितीका विषयमा पनि कुरा हुने बताइएको छ । यसअघि विपक्षी दलहरुले नक्सा जारी गर्दा र संविधान संशोधन प्रस्ताव अघि बढाउन परामर्श नगरेको गुनासो गर्दै आएका थिए ।

बैठकमा कोरोना संक्रमण नियन्त्रणका लागि सरकारले गरेका प्रयासका विषयमा पनि कुरा हुने बुझिएको छ । सर्वदलीय बैठकमा सरकारले ल्याउन लागेको नयाँ बजेट पनि छलफलको विषय हुने अनुमान गरिएको छ ।

तपाईको प्रतिक्रिया

Techie