नवनियुक्त मन्त्री र राज्यमन्त्रीले लिए शपथ

काठमाडौ । नवनियुक्त सात मन्त्री र एक राज्यमन्त्रीले पद तथा गोपनीयताको शपथ लिएका छन् । राष्ट्रपति निवास शितल निवासमा ७ जना मन्त्रीले राष्ट्रपति विद्यादेवी भण्डारीसमक्ष र एक जना राज्यमन्त्रीले प्रधानमन्त्री केपी शर्मा ओलीसमक्ष पद तथा गोपनीयताको शपथ लिएका हुन् ।

पुर्नगठित मन्त्रिपरिषदको गृहमन्त्रीमा खगराज अधिकारी र सञ्चार तथा सूचना प्रविधिमन्त्रीमा नैनकला थापा गरेका छन् । थापा पूर्वगृहमन्त्री रामबहादुर थापाकी श्रीमती हुन् । त्यस्तै, वन तथा वातावरणमन्त्रीमा नारदमुनि राना, कृषिमन्त्री तथा पशुपन्छीमा ज्वालाकुमारी शाह, उद्योगमा राजकिशोर यादव, सामान्य प्रशासनमा गणेश पहाडी मन्त्री बनेका छन् । राजकिशोर यादव जसपाको महन्थ ठाकुर पक्षका नेता हुन् । बाँकी सवै एमालेका नेताहरु हुन् । रक्षा मन्त्रालय भने प्रधानमन्त्री आफैँले राखेका छन् । त्यस्तै, मोहन बाँनियालाई प्रधानमन्त्री कार्यालय रहने मन्त्री नियुक्त गरेका छन् भने वन तथा वातावरण राज्यमन्त्रीमा आशा विक चयन गरेका छन् । मन्त्रीहरुको शपथ आजै राखिएको छ । २०७८ वैशाख ३१ गते संसदको ठूलो दलको नेताको हैसियतले ओली अल्पमतको प्रधानमन्त्री बनेका थिए । तर, संसदमा बहुमत पु¥याउन नसक्ने भन्दै मार्ग प्रश्स्त गरेका ओलीले संसद विघटन गरेपछि मन्त्रिपरिषद् पुनर्गठन गरेको यो दोस्रोपटक हो । विपक्षी पार्टीहरुले कामचलाउ सरकारको विस्तारलाई असंवैधानिक भन्दै आएका छन् । संसद् पुनस्थापनाका लागि विपक्षी गठबन्धनका सांसदहरुले दायर गरेको रिटमाथि सर्वोच्चको संवैधानिक इजलासमा सुनुवाई चलिरहेको छ । यससँग अब क्याबिनेटमा संविधानले तोकेको अधिकतम मन्त्रीको संख्या पूरा भएको छ । संविधानमा बढीमा २५ जना मन्त्री बन्न सक्ने उल्लेख छ ।

तपाईको प्रतिक्रिया

Techie