कोरोना भाइरसबाट विश्वभर ११७ नेपालीको मृत्यु

काठमाडौं : विश्वभर महामारीका रुपमा फैलिएको कोरोना भाइरस संक्रमणका कारण मृत्यु हुने नेपालीहरुको संख्या १ सय १७ पुगेको छ । गैरआवासीय नेपाली संघ ‘एनआरएनए’ का अनुसार यो साता थप २१ जना नेपालीहरुले कोरोनाका कारण ज्यान गुमाएका छन् ।

संघका अनुसार यूएई ९, साउदी अरब ५, बेलायत २, अमेरिका १, कतार १ र कुवेतमा १ जना नेपालीको यो साता मृत्यु भएको हो । संघले संकलन गरेको तथ्यांकअनुसार सबै भन्दा बढी बेलायतमा ६५ जना गैरआवासीय नेपालको मृत्यु भएको छ ।

त्यस्तै अमेरिकामा कोरोना भाइरसका कारण ज्यान गुमाउनेको संख्या १६ पुगेको छ । साथै साउदी अरबमा ७, नेपाल ३, कतार १, आयरल्याण्डमा १, जापानमा १, टर्कीमा १, नेदरल्याण्ड १, बहराइन १, स्वीडेन १, कतार १ र कुवेत १ जनाको मृत्यु भएको छ । मृत्यु हुनेमा ९५ पुरुष र १९ जना महिला रहेका छन् ।

विश्वभर १२ हजार ८ सय २१ गैरआवासीय नेपालीहरु कोरोनाबाट संक्रमित भएका छन् । संक्रमितमध्ये ४ हजार भन्दा बढी नेपालीहरु कोरोना भाइरसबाट मुक्त भएको संघले जनाएको छ । यो साता रुस, रोमानिया र भारतका नेपालीमा नयाँ संक्रमण देखिएको छ ।

तपाईको प्रतिक्रिया

छुटाउनुभयो कि?

१९ असार २०७७, शुक्रबार ०७:२७ १९ असार २०७७, शुक्रबार ०७:२७

काठमाडौं : गण्डकी…

२९ श्रावण २०७७, बिहीबार ०९:०७ २९ श्रावण २०७७, बिहीबार ०९:०७

महोत्तरी : महोतरीमा…

१० असार २०७७, बुधबार १६:२० १० असार २०७७, बुधबार १६:२०

काठमाडौं : नेपालमा…

Techie